२०८०, १७ फाल्गुन बिहीबार
social securities awareness bidur municipality

विदुर नगरपालिकामा अपराध बढ्दो

डबली खबर     मंसिर २८ २०८० २१:२६

pratik book and stationery center in nuwakot

विदुर – जिल्ला प्रहरी कार्यालय नुवाकोटले बट्टारको हावाघरमा सार्वजनिक सुनुवाई कार्यक्रम गरेको छ। प्रहरीको शान्ति सुरक्षाको विषयमा स्थानीय जनतासँग राय सुझाव लिन र प्रहरीले दिँदै आएको सेवालाई थप प्रभावकारी बनाउने उद्देश्यले कार्यक्रम आयोजना गरिएको हो ।

कार्यक्रममा प्रहरी प्रमुख सञ्जिवसिंह थापाले नुवाकोटका १२ वटै स्थानीय तहहरुमध्ये विदुर नगरपालिकामा चालुआर्थिक वर्षमा ५९ अपराधका घटना दर्ता भएको जानकारी दिए । शहरी जनजीवन, आर्थिक क्रियाकलाप लगायतका गतिविधिहरुले विदुरमा अपराध बढेको उनले बताए । अपराध न्यूनिकरणमा सरोकारवाला सबैको हातेमालो हुनुपर्ने बताए । यसैगरी सबैभन्दा कम किस्पाङ गाउँपालिकामा शान्ति र सुरक्षामा अगाडी रहेको बताए । किस्पाङमा यस वर्ष दुई घटना मात्र दर्ता भएको जानकारी उनले दिए ।

चालुआर्थिक वर्षको मङ्सिर महिनासम्ममा विभिन्न अपराधका ३९ जना अभियुक्तहरुलाई पक्राउ गर्न सफल भएको प्रहरी प्रमुख थापाले जानकारी दिए । जसबाट नुवाकोट प्रहरीले सात लाख ६८ हजार ६२५ रुपैंया असुल गरेको छ ।

गत आव २०७९/०८० मा दुई सय ५१ घटना दर्ता भएको छ । जसमा आत्महत्या ४८ र यौन व्यवसाय १८ घटना र अन्य घटना दर्ता भएको छ ।

सुनुवाईमा सहभागिबाट उठेको प्रश्नको जवाफ दिँदै नुवाकोटका प्रहरी प्रमुख थापाले प्रहरीले स्थानीयलाई सुरक्षाको प्रत्याभूत गराउन प्रहरीले स्थानीयसँग हातेमालो गर्दै आएको बताए ।

कार्यक्रमममा प्रमुख जिल्ला अधिकारी सुरेन्द्र पौडेल र विदुर नगरपालिका-४ का वडा अध्यक्ष निलमबाबु ढुंगेलले नुवाकोटको शान्ति सुरक्षा कायम राख्न सफल रहेको र थप सुरक्षा संयन्त्र कायम राख्न समय सापेक्ष सुरक्षा रणनिति अपनाउनुपर्ने औल्याए ।

कार्यक्रममा नुवाकोट उद्योग वाणिज्य संघका वरिष्ठ उपाध्यक्ष सन्तोष उप्रेतीले समग्र नुवाकोटका व्यापारीहरुको शान्ति, सुरक्षा, बजार क्षेत्रमा सिसिक्यामरा जडान, बट्टार बसपार्क सञ्चालनबारे ध्यानाकर्षण गराएका थिए ।

प्रतिक्रिया


nuwakot trishuli graphic web media service 2020

Top