नुवाकोट – तादी गाउँपालिकाले आफ्ना नागरिकको उपचारमा लाग्ने रगत नि:शुल्क उपलब्ध गराउने भएको छ ।
गाउँपालिकाले रेडक्रससँगको समन्वयमा आफ्ना नागरिकको उपचारका लागि लाग्ने रगत नि:शुल्क उपलब्ध गराउने व्यवस्था गरिएको अध्यक्ष सन्तमान तामाङले बताए ।
नेपाल रेडक्रस सोसाइटीसँग सम्झौता गरि आफ्ना बिरामी नागरिक स्थानीय अस्पताल वा नेपाल अधिराज्यभरका अस्पतालमा भर्ना भई उपचार गराउँदा रगतको नि:शुल्क व्यवस्था गराएका हुन् ।
बिरामीले रेडक्रसबाहेक रगत खरिद गरी उपचार गरेमा पनि पछि सो रकम बराबरको बिल अनुसार भुक्तानी गर्ने अध्यक्ष तामाङको भनाई छ । रगत अभावमा नागरिकहरुले ज्यान गुमाउनुपर्ने अवस्थाको अन्त्य गर्न निति तथा कार्यक्रम अनुरुप बजेट व्यवस्थापन गरिएको तामाङको भनाई छ ।
रेडक्रसले तादीका बिरामी नागरिकलाई परिचयको आधारमा नि:शुल्क रगत उपलब्ध गराउनेछ ।
संविधानले नागरिकका स्वास्थ्य सम्बन्धि मौलिक हकको प्रत्याभुत गराउने गरि स्थानिय सरकारले जिम्मेवारी बोध गराउने यस्तो कार्यक्रमको पालिकाबासीहरुबाट प्रशंसा भएको छ ।
प्रतिक्रिया