बेत्रावती – नुवाकोट र रसुवाको सङ्गमस्थल उत्तरगयाधाममा १०८ शिवलिङ्गको विधिपूर्वक प्राण प्रतिष्ठा गरिएको छ ।
स्थानीय धार्मिक व्यक्तित्वको सक्रियता एवं विभिन्न सङ्घ संस्था, उद्योगी व्यवसायीको सामूहिक प्रयासबाट निर्माण गरिएको बेत्रावतीमा १०८ शिवलिङ्ग स्थापना गरि प्राण प्रतिष्ठा गरिएको स्थानीय दिलकृष्ण श्रेष्ठले जानकारी दिए ।
सहयोगीदाताले नगद र जिन्सी सहयोग गरेको उनले बताए । उक्त शिवलिङ्ग स्थापनाको लागि रु १६ लाख ५० हजार ९१७ रुपैयाँ खर्च लागिएको उनले जानकारी दिए । सहयोगीदाताको नाम शिलालेखमा राखिने जनाएको छ ।
आईतबार शिवलिङ्ग प्राण प्रतिष्ठा रूद्री पूजन, लाखबत्ति प्रज्वलन गरी यसको उद्घाटन गरिएको हो।
आगामी मङ्सिर २५ गते बालाचतुर्दशीमा शतबीज छर्ने दिनको लागि पनि तयारी गरिएको उनले बताए ।
प्रतिक्रिया