२०८०, १७ फाल्गुन बिहीबार
social securities awareness bidur municipality

ट्रक दुर्घटना हुँदा एक जनाको मृत्यु, दुईजना घाइते

डबली खबर     मंसिर ६ २०८० ०७:५१

truck accident in thulokhola belakotgadhi municipality nuwakot
pratik book and stationery center in nuwakot

विदुर – ठुलोखोलामा ट्रक दुर्घटना हुँदा एक जनाको मृत्यु भएको छ । दुई जना घाइते भएका छन् ।

गल्छी-केरुङ राजमार्गअन्तरगत बेलकोटगढि नगरपालिका-७ मा बुधबार बिहान बागमती प्रदेश ०१-००६-ख-५६०६ नम्बरको ट्रक दुर्घटना हुँदा एकको मृत्यु भएको प्रहरीले जनाएको छ । सख्त घाईतेको त्रिशुली अस्पतालमा उपचारको क्रममा निधन भएको जिल्ला प्रहरी कार्यालय नुवाकोटका प्रहरी नायव उपरिक्षक खगेन्द्र बहादुर खड्काले जानकारी दिए ।  

प्रहरीका अनुसार नवदुर्गा मल्टिप्रडक्टस मणिग्राम  रुपन्देहीबाट चाउमिन बोकि नुवाकोट आउँदै गरेको ट्रक गल्छी–त्रिशुली सडकखण्डको बेलकोटगढी नगरपालिकाको ठूलो खोला स्थानमा आएपछि आफै अनियन्त्रित भइ सडकबाट ८० मीटर तल खसेको हो ।

दुर्घटनामा चालक, सहचालक र सोही कम्पनीमा काम गर्ने दिपक क्षेत्री गम्भिर घाईते भएकोमा तत्कालै उपचारको लागि त्रिशूली अस्पताल पठाइएको थियो । गम्भिर घाइते भएको दिपक क्षेत्रिको उपचारकै क्रममा करिब ७ बजे अस्पतालमा नै मृत्यु भएको हो ।

अन्य घाइतेहरुको अवस्था सामान्य रहेको प्रहरीले जनाएको छ । सवारी चालक पाल्पा माथागढी गाउँपालिका-५ का २६ बर्षिय वीरबहादुर खाम्चा जिल्ला प्रहरी कार्यालयको  नियन्त्रणमा रहेको बताईएको छ । सहचालक पाल्पा जिल्लाको माथागढी गाउँपालिका-५ वर्ष १९ को खमबहादुर घर्तिको उपचार जारी छ ।

प्रतिक्रिया


nuwakot trishuli graphic web media service 2020

Top