नुवाकोट – सकारात्मक सोचको विकास, योग, ध्यान, चिन्तन र सङकल्प गर्न सक्ने क्षमता अभिवृद्धि गराउने उद्देश्यले काठमाडौंमा “ऐश्वर्य विज्ञान” तालिम आयोजना हुने भएको छ ।

जीवन विज्ञान फाउन्डेशन काठमाडौंको प्रयोगशालामा सात दिनसम्म चल्ने तालिमको सहजीकरण जीवन विज्ञान फाउन्डेशनका जीवन विकास विशेषज्ञ एलपि भानु शर्मा र रमेश नेपालले गर्ने जीवन विज्ञान योग नुवाकोट प्रयोगशालाका प्रशिक्षक विन्दिया बमरेलले जानकारी दिईन्।

बिहान ७:३० बजेदेखि बेलुका ५ बजेसम्म एकहप्ते तालिमको लागि खाना, बस्न र सुत्नको व्यवस्थाको लागि दर्ता शुल्क १० हजार रुपैयाँ तोकिएको प्रशिक्षक बमरेले जानकारी दिईन् । थप आवश्यकताअनुसार सुविधाको लागि खर्च लाग्ने जनाएको छ ।

ऐश्वर्य विज्ञान तालिममा सहभागिताको लागि अनलाइन आवदेन दिन सकिने छ । आवदेन दिन यहाँ क्लिक वा ट्याब गर्नुहोला ।

कार्यक्रममा आफ्नो जीवनभित्र लुकेको सम्पन्नता एवं वैभवको असीम स्रोतको अध्यात्मिक रहस्यको पूर्ण जानकारी प्राप्त गर्न र व्यक्तिगत जीवनमा आर्थिक लक्ष्यहरूको निर्धारण गदै आवश्यक आँट एवं ऊर्जाको परिचालन गर्ने कला सिक्नु हुनेछ ।

आफ्नो लक्ष्य एवं व्यक्तित्व अनुसार उपयुक्त कार्य, पेशा एवं व्यवसायको छनौट एवं स्वरोजगारका लागि उपयुक्त मानसिकताको निर्माण गर्न सक्नु हुनेछ ।