धादिङ – जिल्लाको सरकारी कार्यालय वरपर सञ्चालनमा रहेको अवैध चमेना गृह तत्काल बन्द गर्न जिल्ला प्रशासन कार्यालय धादिङले निर्देशन दिएको छ ।

प्रमुख जिल्ला अधिकारी बद्रीनाथ गैह्रेले एक सुचना जारी गर्दै अवैध रुपमा सञ्चालनमा रहेको क्यान्टिन बन्द गरी प्रशासनलाई जानकारी गराउन वा प्रक्रिया पुरा गरेर सञ्चालन गर्नको लागि निर्देशन दिएको छ ।

जिल्लास्थित विभिन्न कार्यालयका जग्गा तथा भवन उपयोग गरी अबैध रुपमा सञ्चालनमा रहेको क्यान्टिन तत्काल बन्द गर्न निर्देशन गरेको हो ।

कानुनी प्रक्रिया पुरा नगरी चर्को मुल्यमा गुणस्तरहीन वस्तुहरु विक्रि वितरण भएको र त्यस्ता क्यान्टिनहरुमा बिचौलीयाहरुको अखडा भएको भन्दै बन्द गर्न वा प्रक्रिया पुर्याएर सञ्चालन गर्न निर्देशन गरीएको हो ।