विदुर – नुवाकोट उद्योग वाणिज्य संघले मुखपत्रका रुपमा अर्धवार्षिक बुलेटिन ‘उद्योग वाणिज्य सन्देश’ प्रकाशन गरेको छ ।
सङ्घले प्रकाशन आरम्भ गरेको अर्धवार्षिक बुलेटिनको विहीबार नेपाल उद्योग वाणिज्य महासंङ्घका केन्द्रीय सदस्य तथा संङ्घका पूर्वअध्यक्ष ताराबहादुर कार्कीले संङ्घको सचिवालयमा आयोजित औपचारिक कार्यक्रमकाबीच विमोचन गरेका हुन् ।
संङ्घका अध्यक्ष राजेन्द्र श्रेष्ठका अनुसार बुलेटिनले स्थानीय बजार र व्यवसायको प्रर्वद्धनका मुद्दालाई उठान गर्नुका साथै सरोकारवालासँगको सहमति र सहकार्यलाई जोड दिनेछ ।
सङ्घको मुखपत्रका रुपमा प्रकाशन गरिएको रङ्गिन बुलेटिनले संङ्घका गतिविधि तथा कार्यक्रम र उपभोक्ताका साथै व्यापार र व्यापारीका समस्या, गुनासा र समाधानका विषयवस्तुलाई स्थान दिने सङ्घका वरिष्ठ उपाध्यक्ष तथा उद्योग वाणिज्य सन्देश प्रकाशनका संयोजक सन्तोष उप्रेतीले बताए ।
प्रतिक्रिया