रसुवा – रेडियो लाङटाङले स्वर्गीय इश्वरी अधिकारी स्मृती महिला स्वयंसेविका पुरस्कारद्वारा महिला स्वास्थ्यस्वयंसेविका कामीछोमो तामाङलाई सम्मान गरेको छ ।
पर्यटन विकास तथा सञ्चार केन्द्र नेपालको नवौ वार्षिक साधारणसभाको अवसरमा स्वास्थ्यस्वयंसेविका तामाङलाई उक्त पुरस्कारद्वारा सम्मान गरिएको रेडियोका स्टेशन म्यानेजर गीता न्यौपानेले जानकारी दिईन् ।
राष्ट्रिय स्वास्थ्य कार्यक्रम सफल बनाउन रसुवा जिल्ला गोसाइँकुण्ड गाउँपालिका-५ मा विगत ३५ वर्षदेखि महिला सामुदायिक स्वास्थ्य स्वयंसेविका भइ मातृस्वास्थ्य, जनस्वास्थ्य, आमा समुह परिचालन र समुदायमा आधारित स्वास्थ्य कार्यक्रम संचालन गरी समुदायमा पुर्याएको योगदानको कदर गर्दै स्वास्थ्यस्वयंसेविका तामाङलाई पाँच हजार ५५ रुपैयाँ नगद पुरस्कारसहित दोसल्ला ओढाई सम्मान गरिएको छ ।
कार्यक्रममा जिल्ला समन्वय समिति रसुवाका प्रमुख अशोककुमार घिमिरे, गोसाइँकुण्ड गाउँपालिकाका उपाध्यक्ष प्रतिमा लामा, कालिका गाउँपालिकाका उपाध्यक्ष मिरा लामालगायतको उपस्थिति रहेको थियो ।
कार्यक्रममा बोल्दै जिसस प्रमुख घिमिरे, उपाध्यक्षद्वय लामाले महिला स्वास्थ्य स्वयंसेविकाले जनताको घरमा गाउँपालिकाको उपस्थिति देखाएको भन्दै स्वास्थ्यस्वयंसेविका तामाङको प्रशंसा गर्नुको साथै समाजका समुदाय समुदायभित्र स्वास्थ्यको पहुँच पु¥याउनमा महिला स्वास्थ्य स्वयंसेविकाको भूमिका ठूलो रहेको बताए ।
प्रतिक्रिया