काठमाडौं – ग्लोबल आइएमई बैंक लिमिटेड र बोटलर्स नेपाल लिमिटेड तथा बोटलर्स नेपाल (तराई) लिमिटेडबीच च्यानल वित्तपोषण कार्यक्रम सम्बन्धी सम्झौता भएको छ ।
शुक्रबार एक कार्यक्रमका बीच भएको उक्त सम्झौता कार्यान्वयन गर्नका लागि एक समझदारी पत्रमा दुवै पक्षले हस्ताक्षर गरेका छन् ।
सम्झौताअनुसार बैंकले बोटलर्सका उत्पादनहरू खरिद गर्नका लागि आधिकारीक वितरकहरुलाई आवश्यक चालू पूँजी प्रदान गर्न च्यानल वित्तपोषण सुविधा प्रदान गर्नेछ ।
बोटलर्स नेपाल तथा बोटलर्स नेपाल (तराई) का आधिकारिक वितरकहरुले बैंकको जुनसुकै शाखाबाट च्यानल वित्तपोषण कार्यक्रमअन्तर्गत कर्जा सुविधा प्राप्त गर्न सक्नेछन् ।
उक्त कार्यक्रममा बैंकका प्रमुख कार्यकारी अधिकृत रत्नराज बज्राचार्य र बोटलर्स नेपाल लिमिटेडका कार्यकारी निर्देशक दीपक सेन्थिलनाथको उपस्थिति रहेको थियो ।
प्रतिक्रिया