२०७८, ७ आश्विन बिहीबार

नागरिक समाजले बुझाए १२ वटै स्थानीयतहलाई डिजिटल ध्यानाकर्षण पत्र

डबली खबर     जेष्ठ २५ २०७७ १३:५०

tribhuwan trishuli secondary school admission open
bidur tax

नुवाकोट – स्थानीय स्तरमा स्थापना गरिएका क्वारेन्टाइन र आइसोलेशन केन्द्रलाई गुणस्तरिय, भरपर्दो र विश्व स्वास्थ्य संगठनको मापदण्ड अनुकुल बनाउन, क्षमता वृद्धिका साथै नियमित सुधारको लागि नागरिक समाज नुवाकोटले १२ वटै स्थानीय तहलाई २० बुँदे डिजिटल ध्यानाकर्षण पत्र बुझाएको छ ।

लकडाउनको पूर्ण पालना गर्दै शुक्रबार समाजले दुइ नगरपालिका र १० गाउँपालिकालाई इमेल मार्फत् नै ध्यानाकर्षण बुझाईएको उपभोक्ता हित संरक्षण मञ्च नुवाकोटका अध्यक्ष इन्द्रबहादुर पण्डितले जानकारी दिए ।

जिल्लास्थित रहेका विभिन्न संघसंस्थाहरुका प्रतिनिधीहरुको समन्वय भएको भर्चुअल बैठकबाट नागरिक समाजले उक्त निर्णय गरी सबै स्थानीय तहमा पत्र बुझाएको सामुदायिक विकास केन्द्रका कार्यक्रम संयोजक दिपेश घिमिरेले जानकारी दिए ।

कोरोना भाइरसको विश्वव्यापी महामारीको नियन्त्रण तथा प्रतिकार्यको लागि स्थानीय तहहरुबाट भईरहेको अवस्थामा स्थानीय स्रोत र साधनको प्रयोग गर्दै आवको बजेट तर्जुमा गर्दा वर्तमान परिस्थितिको आँकलन गरी कृषि, स्वास्थ्य, शिक्षा र विपद् व्यवस्थापनलाई उच्च प्राथमिकताका दिन पत्रमा उल्लेख गरेको छ ।

कोरोनाभाईरसको विरुद्धको अभियानमा नागरिक समाज एवं निजि क्षेत्रको संलग्नता बढाउनको लागि वातावरण सिर्जना गर्न भनिएको छ ।

लकडाउनका कारण गरीब, श्रमिक, विपन्न वर्गका समुदायको नैसर्गिक र मानवअधिकार हनन हुने हुनाले स्थानीय तहले त्यस्ता लक्षित वर्गलाई समेट्नको लागि विशेष प्याकेज सहितको कार्यक्रम ल्याउनु पर्ने उल्लेख गरेको छ ।

लकडाउनका कारण उत्पादनका सबै क्षेत्रहरु ठप्प छन् । जिल्लाको आर्थिकस्थितिलाई मध्यनजर गर्दै उत्पादनका क्षेत्रलाई अनुकुल वातावरण मिलाउन स्थानीय सरकारले पहल गर्न भनिएको छ । यस विषम परिस्थितिमा सम्भावित कालोबजारी पनि तदारुकताकासाथ नियमित वजार अनुगमन त् बजार सुव्यवस्थित गर्नुपर्ने अनुरोध गरेको छ ।

स्थानिय तहहरुले लक्षितवर्ग दलित, महिला, बालबालिका, जनजाति,अपांगता भएका व्यक्तिहरुका लागि निश्चित प्रतिशत बजेट विनियोजनका लागि साझेदारी मञ्च मार्फत निर्णय भइसकेको हुदाँ उक्त निर्णयलाई कार्यान्वयनको लागि नागरिक समाजले माग गरेको छ।

प्रकाशित: जेष्ठ २५ २०७७ १३:५०

प्रतिक्रिया



यो खबर पढेर तपाईलाई कस्तो महसुस भयो ?


Bachchhaladevi Suppliers
Nuwakot FM 106.8 MHz
Trishuli Web Design Services in Nuwakot
Radio Langtang
Radio Sanjiwani



Top