विदुर / “नेपाली टोपी नेपाली पहिचान यही हो हाम्रो राष्ट्रिय अभियान” भन्ने नारा सहित आज नेपालमा टोपी दिवस मनाइदैछ ।
विगत पाँच वर्षदेखि अंग्रेजी नयाँ वर्षको दिनमा ढाका टोपी दिवस मनाइने गरिन्छ । पहिले सामाजिक सञ्जालमार्फत टोपी दिवसको प्रचार गरे तापनि विगत वर्षदेखि -याली नै निकालेर दिवस मनाएर थालिएको छ । दिवस सन् २०१४ को जनवरी १ तारिक अर्थात् पौष १७ गतेका दिनदेखि मनाउन सुरु गरिएको हो ।
सदियौँदेखि नेपाली पहिचानको रुपमा रहेको दौरा सुरुवाल, टोपी र गुन्यूचोलोलाई तत्कालीन सरकारले राष्ट्रिय पोशाकको सूचीबाट हटाएपछि अभियानले नेपाली टोपी (ढाका टोपी, भाद्गाउँले टोपी) लाई राष्ट्रिय पहिचानका रुपमा घोषणा गरियोस् भन्ने मागसहित नेपाली टोपी दिवस मनाउँदै आएको छ ।
टोपीका विभिन्न प्रकार भए पनि प्रचलितमा आएका टोपीहरू भाद गाउँले टोपी, पूर्वेली टोपी र पाल्पाली ढाका टोपी नै हुन् ।
दिवसलाई विन्डोसप जस्तै भएको छ । आजको दिनको लागि भएनी सामाजिक संजालमा टोपी लगाएको फोटो राख्नेको ओइरो लाग्ने गरेको छ । कोहिले आजै दिनलाई मात्र भएनी टोपी किनी फोटो खिची राख्ने गर्दछन् ।
प्रतिक्रिया