काठमाडौ। वैदेशिक रोजगारबाट फर्किएका युवाहरुलाई राज्यको नीति, कार्यक्रम र योजनासँग जोडन वैदेशिक रोजगारबाट फर्किएका युवाहरुको राष्ट्रिय भेला काठमाडौ हुने भएको छ ।
काठमाडौंको राष्ट्रिय सभागृहमा हुने भेलाको आयोजना भने राष्ट्रिय युवा परिषदले गर्ने भएको छ। वैदेशिक रोजगारी टुंग्याएर स्वदेश फर्केका जो कोहि व्यक्ति उपस्थित हुन सक्ने उक्त भेलामा देश भरिबाटै सहभागिता हुने भेला आयोजना गर्न सक्रिय रहेका उत्तम अधिकारीले जानकारी दिएका छन ।
नेपालबाट रोजगारीका लागि विश्वका विभिन्न मुलुकमा जाने गर्दछन् । विदेशमा श्रम गरेर कमाएको पारिश्रमिकले नेपालको अर्थतन्त्रमा रेमिट्यान्सको महत्त्वपूर्ण भुमिका रहेको छ। वैदेशिक रोजगारी सिकेको ज्ञानसिपलाई नेपालमा नै थोरै ले भए पनि प्रयोग गरेको समचार नेपालको मिडियामा सुन्ने गरेकोे छौ । तर उनीहरु मध्य विभिन्न समस्याहरुको कारण कमै मात्र नेपालमा सफल भएका छन् ।
वैदेशिक रोजगारबाट फर्केका युवाशक्तिहरुको संगठित संस्था गठनलाई मध्य नजर गर्दै राष्ट्रिय भेला हुन लागिएको राष्ट्रिय युवा परिषद्ले जनाएकोछ ।
वैदेशिक रोजगारीमा जाने उर्जाशिल युवाहरुलाई देशमै रोजगारी सृजना गर्दै विदेश जान निरुत्साहित गर्ने भन्ने नारा हरेक पटक सरकारको भएपनि हालसम्म उर्जाशील जनशक्तिलाई विदेश जान रोक्ने ठोस निती तथा कार्यक्रम आउन सकेको छैन। त्यसै गरि विदेशबाट फर्केका व्यक्तिहरुको संगठित संस्था समेत रहेको छैन ।
यहि विषयलाई मध्यनजर गर्दै विदेशवाट फर्केका व्यक्तिहरुको सक्रियतामा आगामी असार २७ गते प्रवासबाट फर्केकाहरुको अधिराज्यव्यापी भेला हुने भएको छ ।
वैदेशिक रोजगारबाट फर्किएका पुर्ब प्रबासी नेपालीहरुको वर्तमान अवस्था कस्तो छ? यो वर्गलाई बेलैमा राज्यले उचित सम्बोधन गरेर नीति निर्माण गरि योजना तर्जुमा नगरे यसको दुरगामी असर कस्तो रहला तथा सरकारको प्राथमिकता बिदेशबाट फर्किएका नेपालीलाई पुनः विदेश फर्किनबाट रोक्ने हुनुपर्ने हो कि नयाँ कामदारलाई विदेश जानबाट रोक्नु हो? राज्यको सहयोग वा अनुदान वा राज्य र यो वर्गको संयुक्त लगानी मा के कस्ता परियोजना संचालन गरेर यो वर्गलाइ आत्मनिर्भर बनाउँदै रोजगारी सृजना गर्न सकिन्छ लगायतका थुप्रै विषयहरुको आवाज भेलामा उठान हुने प्रवासबाट फर्केका अगुवाहरुले जानकारी दिएका छन ।
भेलालाई व्यवस्थित बनाउन आगामी असार २० गतेभित्र फारम भरेर पठाएका व्यक्तिहरुलाई मात्र प्रवेश दिइने र उनीहरुका निमित्त प्रवेश कार्डको व्यवस्था गरिने आयोजकले जनाएको छ । भेला सफल बनाउन सामाजिक संजाललाई प्रयोग गर्दै ग्रुप निर्माण गरि अधिकांश जिल्लाका व्याक्तिहरु जोडिने क्रम जारी रहेको र दिनहुँ फारम भरेर पठाउने काम समेत तीव्र गतिमा भएको जानकारी अधिकारीले दिएका छन् ।
प्रतिक्रिया