२०७८, २१ श्रावण बिहीबार

सवारी आवतजावतको समय हेरफेर

    माघ २९ २०७४ २१:४७


pasang lhmu highway construction
Tribhuvan Trishuli Secondary School
bidur tax

विदुर / राष्ट्रिय गौरवको आयोजना गल्छी–त्रिशूली–मैलुङ–स्याफ्रुवेशी सडक स्तरोन्नतीको लागि फागुन १ गतेदेखि दिउँसो मात्र सडक बन्द गरिने भएको छ ।

जिल्ला प्रशासन कार्यालयमा प्रमुख जिल्ला अधिकारीको अध्यक्षतामा बसेको सरोकारवालाको बैठकले बिहानको बन्द हटाएर दिउँसो एक घण्टा थप गरी निर्माण कार्यलाई अघि बढाउने निर्णय भएको हो । फागुन १ गतेदेखि सडक स्तरोन्नतिको कामलाई तीव्रता दिन भन्दै बिहान ११ बजेदेखि ५ बजेसम्म बन्द गरिने सडक योजनाका प्रमुख सुवोधकुमार देवकोटाले बताए । बिहानको समयमा काठमाडौँ जानेको चाप बढी हुने भएकाले बिहानको सडक बन्द नगर्न नागरिक तथा यातायात व्यवसायीले माग गरेपछि सडक बन्द गरिने समय परिवर्तन गरिएको योजना प्रमुख देवकोटाले बताए ।

सरकारले चीनसँगको नाका रसुवागढी जोड्ने दुइलेनको सडक विस्तार गरिरहेको छ । धादिङको गल्छीदेखि रसुवाको स्याफ्रुबेँशीसम्म ८२ किलोमिटर सडकमध्ये योजनाले ४६ किलोमिटर क्षेत्र स्तरोन्नतिको काम गरिरहेको छ । सडक योजनाले यस अवधिमा वैकल्पिक सडकको प्रयोग गर्न आग्रह गरेको छ ।

धादिङको गल्छीदेखि नुवाकोट र रसुवाको सीमाना वेत्रावतिसम्मको क्षेत्रमा दिउँसो ११ बजेदेखि साँझ ५ बजेसम्म सडक बन्द गर्ने सहमित भएको छ । गत पुस १ गतेदेखि बिहान ६ बजेदेखि ९ बजेसम्म र बिहान ११ बजेदेखि अपराह्न ४ बजेसम्म सडक बन्द गरेर निर्माणको काम भइरहेको थियो । नौ अर्बको लगानी रहेको सो योजनाअन्तर्गत सडकको दायाँबायाँ पर्खाल लगाउने र सडक विस्तारको काम भइरहेको छ ।

प्रतिक्रिया



यो खबर पढेर तपाईलाई कस्तो महसुस भयो ?


Bachchhaladevi Suppliers
Nuwakot FM 106.8 MHz
Trishuli Web Design Services in Nuwakot



Top