सुनील श्रेष्ठ, विदुर । नेपाल यातायात व्यवसायी राष्ट्रिय महासंघको उपमहासचिवमा पासाङल्हामु यातयात व्यवसायी समितिका महासचिव रवि रिमाल (७६६) मत प्राप्त गरी निर्वाचित भएका छन् ।

नेपाल यातायात व्यवसायी राष्ट्रिय महासंघको अध्यक्षमा योगेन्द्रनाथ कर्माचार्य निर्वाचित भएका छन । रत्ननगरमा शनिवार सम्पन्न महासंघको पाँचौ राष्ट्रिय महाधिवेशनले आगामी तीनबर्षे कार्यकालको लागि कर्मचार्यलाई अध्यक्षमा निर्वाचित गरेको हो । महासंघको नयाँ कार्यसमिति चयनको लागि भएको निर्वाचनमा प्रतिस्पर्धी डोलनाथ खनाललाई २७९ मत अन्तरले पछि पार्दै कर्माचार्य अध्यक्षमा निर्वाचित भएका हुन । कुल खसेको १ हजार ७८४ मतमध्ये कर्माचार्यले ९८७ र खनालले ७०८ मत प्राप्त गरेका थिए । अध्यक्षतामा निर्वाचित कर्माचार्य महासंघका निर्वतमान अध्यक्ष तथा प्रमुख सल्लाहकार हुन् ।

अधिवेशनले अध्यक्ष, ३ जना वरिष्ठ उपाध्यक्ष, ८ जना उपाध्यक्ष, महासचिव, ३ जना उपमहासचिव, ३ जना सचिव, कोषाध्यक्ष र सहकोषाध्यक्ष, १० जना वर्गीय संयोजक र ७ जना प्रदेश संयोजक सहित ८३ सदस्सीय नयाँ कार्यसमिति चयन गरेको नवनिर्वाचित उपमहासचिव रवि रिमालले जानकारी दिए ।

नेपाल सरकारले पुराना सवारीसाधनहरुलाई विस्थापित गराउने क्रमलाई समितले  पनि निरन्तरता दिई जनचाहना अनुसारको सुविधा सम्पन्न थप नयाँ बसहरु संचालन गर्ने र डिलक्स बससेवालाई ग्रामीण भेगमा पनि विस्तार गर्ने रिमालले बताए ।

देशका अन्य प्रमुख शहरहरुसँग सिधा बस सेवा संचालनलाई विस्तार गर्दै रौतहटको गौर, लुम्बिनी र सुदुरपश्चिमको महाकालीसम्म बस सेवा संचालन गरिने र वीरगन्जको रुटमा यात्रुको चापलाई मध्यनजर गरी थप सेवा संचालन गर्ने बताए ।

६/६ महिनाको अन्तरालमा चालक र परिचालकलाई ट्राफिक नियम पालना तथा दुर्घटना न्यूनीकरण गर्नको लागि जनचेतना अभिमुखी प्रशिक्षणको व्यवस्था गर्ने योजना रहेको बताए ।

त्रिदेशीय मार्ग तथा काठमाण्डौ जोडिने तीनवटै सडकको स्तरउन्नोत्तर पश्चात् पासाङल्हामु यातायात सेवा समितिद्वारा संचालित बसकोस्तिथि अनुसार नयाँ एसी मिनिबस सेवा, जिपिएस ट्रयाकिङ र लोकल अफलाईन इन्टरटेमेन्ट (आफुलाइ मन लागेको गीत हेर्न सुन्न सकिने) को सुविधा पनि थपिने जनाए ।