सुनील श्रेष्ठ / विदुर नगरपालिका क्षेत्र भित्र रहेका सार्वजनिक स्थल सरसफाई गर्ने उद्देश्यले विदुर सिटी युथ क्लबले आयोजना गरेको सरसफाई सप्ताह महाअभियान २०७४ को सातौं संस्करण आज सम्पन्न भएको छ ।
जिल्लाकै राजनैतिक मञ्च मानिने विदुर-२ मा रहेको लोकतान्त्रिक चौतारामा सफाई गरी पार्टीगत झन्डा तथा प्रचारप्रसारका कुनै पनि व्यानर राख्न र टाँस्दा चौताराको सुन्दरता बिग्रिने हुनाले चौताराको सरसफाईमा ध्यान दिनुपर्ने क्लबले बताए ।
चौतारा परिसरमा रहेको शिवलिंग, गणेश, कुमार, लक्ष्मीनारायण लगायत भगवानका मुर्ति, घण्टी, टायल तथा परिसर सरसफाई र घन्टी अड्डाउन राखिएको फलामे डन्डीमा रंगरोहण गरेको विदुर सिटी युथ क्लबले जनाएका छन् ।
मुर्तिलाई कालान्तर राख्न मुर्तिमा पूजा गर्ने प्रवृतिलाई सुधारिकरण गरिनुपर्ने र धुप/बत्तीलाई उचित ठाउँमा मात्र बलिनुपर्ने सबैमा क्लबले अनुरोध गरेको छ ।
प्रतिक्रिया