१० असोज, नुवाकोट । नेपाल विद्युत प्राधिकरण नुवाकोट वितरण केन्द्रले चौघडा सबस्टेसनअन्तर्गत मर्मत–सम्भार कार्य हुने भएकाले शनिबार विद्युत आपूर्ति बन्द हुने जनाएको छ।

प्राधिकरणका अनुसार भोलि असोज ११ गते शनिबार बिहान ९ बजेदेखि दिउँसो १२ बजेर ३० मिनेटसम्म विद्युत आपूर्ति बन्द रहनेछ।

विद्युत आपूर्ति बन्द हुने स्थानहरूमा शिवपुरी र तादी गाउँपालिकाका सबै वडा, लिखु गाउँपालिकाको वडा नम्बर ४, ५ र ६, पञ्चकन्या गाउँपालिकाको वडा नम्बर १, २, ३, ४ तथा सुर्यगढी गाउँपालिकाको वडा नम्बर १ रहेका छन्।

तोकेको समयभन्दा अगावै मर्मत कार्य सम्पन्न भएमा विद्युत आपूर्ति चाँडै सुरु हुने प्राधिकरणले जनाएको छ।

नुवाकोट वितरण केन्द्रले यस कारण पर्न जाने असुविधाप्रति उपभोक्ताहरूप्रति क्षमायाचना गरेको छ।