नुवाकोट – ककनी गाउँपालिका वडा नम्बर ८ की १२१ वर्षीया बाटुली लामिछानेको शुक्रबार निधन भएको छ ।
श्वासप्रश्वासमा समस्या भएसँगै उपचारका क्रममा उनको शुक्रबार घरमै निधन भएको बाटुलीको परिवार स्रोतले जनाएको छ ।
पछिल्लो सातादेखि बाटुलीलाई श्वासप्रश्वासमा समस्या देखिएको थियो ।
बाटुलीको इच्छाअनुसार शुक्रबार राति नै पशुपति आर्यघाटमा अन्तिम संस्कार पनि गरिएको छ । उनलाई ८२ वर्षीय छोरा नेत्रप्रसाद लामिछाने दागबत्ती दिए ।
नेपाली नागरिकताको प्रमाणपत्रअनुसार बाटुलीको जन्म विसं १९५९ चैत १० गते भएको थियो । बाटुलीले २०७० वैशाख २४ गते मात्र नागरिकता लिएका थिए ।
बाटुलीले विश्वकै वृद्धा महिलाको नाममा वर्ल्ड रेकर्ड अभिलेखीकरण कार्यमा नेपाल सरकारले ढिलाई गरेकै कारण विश्व पहिचान गुमाईकी छिन् ।
लेखकको बारेमा
प्रतिक्रिया