१८ वैशाख, नुवाकोट । विदुर नगरपालिका–२ स्थित नुवाकोटमा निर्माण गरिएको पृथ्वीनारायण शाह सङ्ग्रहालय सञ्चालनार्थ अध्ययन थालिएको छ ।
बिहीवार विदुर नगरपालिकाका प्रमुख राजन श्रेष्ठबाट विभिन्न सरोकारवाला पक्षहरुसँग सहकार्य गर्ने क्रममा पाटन सङ्ग्रहालयको संरचना प्राविधिक अष्ट्रियाका नागरिक र उनको साथमा नेपाली नागरिक भरत महर्जनबाट आजदेखि सङ्ग्रहालयको अध्ययन थालिएको छ ।
सङ्ग्रहालय सञ्चालनमा ल्याई यसको अल्पकालिन र दीर्घकालीन संरक्षण एवम् प्रर्बद्धनका लागि सङ्ग्रहालयको प्राविधिकसहित विस्तृत अध्यननको प्रबन्ध नगरपालिकाबाट मिलाइएको छ ।
अध्ययनबाट प्राप्त प्रतिवेदनको आधारमा सङ्ग्रहालयलाई जतिसक्दो चाडै सञ्चालनमा ल्याउने लक्ष्य लिइएको नगरप्रमुख श्रेष्ठले बताए ।
सङ्ग्रहालय सात रोपनी जग्गामा रु पाँच करोड २८ लाख लगानीमा निर्माण गरिएको थियो ।
प्रतिक्रिया