१० वैशाख, नुवाकोट । विदुर नगरपालिकाले आर्थिक वर्ष २०८०/८१ को लेखापरिक्षण प्रतिवेदनको आधारमा छ सहकारीलाई सम्मान गरेको छ ।
एक कार्यक्रमका बीच नगरपालिकाले आफ्ना क्षेत्रका कृषि सहकारीका एक, बचत तथा ऋण दुई, उपभोक्ता सहकारी एक र बहुउद्देश्यीय सहकारी दुई गरी छ वटा सहकारी संस्थालाई सम्मान गरिएको सहकारी शाखाका प्रमुख नानीमैया नेपालले जानकारी दिईन् ।
सम्मानित हुने सहकारीहरुमा अजम्बरी साना किसान कृषि सहकारी संस्था लि. विदुर-११, ग्लोबल उपभोक्ता सहकारी संस्था लि. विदुर-४, सारथी बचत तथा ऋण सहकारी संस्था लि. विदुर-९, लायन बचत तथा ऋण सहकारी संस्था लि. विदुर -२, सहयोगी बहुउद्देश्यीय सहकारी संस्था लि. विदुर-९ र बट्टार सहकारी संस्था लि. विदुर-४ रहेका छन् ।
विदुर नगरपालिकाका उपप्रमुख प्रभा बोगटीले सहकारी संस्थाहरुलाई कर्जा सूचना केन्द्रमा समावेश गराउन लागेको जानकारी दिईन् ।
कार्यक्रममा उपप्रमुख बोगटीले सम्मानित सहकारी संस्थाका अध्यक्षहरुलाई सम्मानपत्र प्रदान गरेका थिए ।
प्रतिक्रिया