५ फागुन, धादिङ । दुई दिने प्रथम बागमती साहित्यिक महोत्सव यहि फागुन १६ र १७ गते हुने भएको छ ।
आईतबार धादिङबेसीमा पत्रकार सम्मेलन गर्दै डिभिजन वन कार्यलय धादिङका अध्यक्ष एवम् व्यवस्थापन समिति संयोजक विष्णु प्रसाद आचार्यले उक्त जानकारी दिएका हुन् ।
साहित्य, कला र संस्कृतिको प्रवर्द्धन, बागमती सभ्यताको सम्बर्धन भन्ने मूल नारासहित बागमती प्रदेशको पर्यटन तथा संस्कृति मन्त्रालयको आयोजना र धादिङ्गस्थित सबै सरोकारवालाको संयोजनमा उक्त महोत्सवको आयोजना हुन लागिएको हो ।
महोत्सवले सिङ्गो प्रदेशको कला साहित्य र संस्कृतिको प्रवर्धन र उन्नयनमा उल्लेख्य योगदान पुग्ने अपेक्षा लिईएको छ ।
कार्यक्रममा संयोजक आचार्यले बागमती प्रदेशको कला साहित्य र संस्कृतिको प्रवर्धन र उन्नयनका लागि प्रदेश प्रज्ञा प्रतिष्ठानको परिकल्पना गरिए पनि त्यसको मूर्तता नभइरहेको परिप्रेक्षमा विधि, निर्देशिका र ऐनहरुको निर्माण कार्यमा प्रदेश निरन्तर लागीरहेकोले यसको सकारात्मक परिणाम छिट्टै नै प्राप्त हुने बताए ।
प्रदेशका प्रसिद्ध लेखक र सर्जकहरु, साहित्यानुरागी साथमा नव लेखकहरुको उपस्थित हुने उक्त महोत्सवमा विभिन्न शिर्षकहरुमा ११ वटा प्यानल डिस्कसन, एउटा काव्य सन्ध्या, एउटा गजल सन्ध्या र एउटा सृजनात्मक सत्र गरि जम्मा १४ वटा चरण हुने जानकारी दिए ।
महोत्सवमा प्यानेलिस्ट, पाठक र लेखक साक्षात्कार लेखक तथा वक्तासंग आवश्यकता अनुसार पाठकहरू र श्रोताको साक्षात्कार र संवादको अवसर प्रदान गरिने, कला, साहित्य झल्कने चित्रकला हरिप्रसाद शर्माका चित्र प्रदर्शन गरिनेछ।
प्रतिक्रिया