५ फागुन, नुवाकोट । बेलकोटगढि नगरपालिका वडा नम्बर ३ मा निःशुल्क पाठेघरको मुखको क्यान्सर विरुद्धको शिविर भएको छ ।
शनिबार कुमरी स्वास्थ चौकिमा ३ नम्बर वडा कार्यालय, लाइन्स क्लब अफ काठमाडौ सिद्धार्थ एभरग्रीनको संयुक्त आयोजनामा भएको स्वास्थ शिविरमा दुई सय ५० जना बिरामीहरुले सेवा लिएको ३ नम्बर वडाका अध्यक्ष कौशिला पुडासैनीले जानकारी दिए ।
प्रसूति गृह थापाथलीका डाक्टर र नर्सहरुमार्फत् स्वास्थ परीक्षण गरि पाठेघरको मुखको क्यान्सरसम्बन्धी परीक्षण गरिएको थियो । साथै डाक्टरको पूर्जीअनुसार आवश्यक उपचार औषधि नि:शुल्क वितरण गरिएको थियो ।
उक्त शिविरमा १० जनालाई रिङ्ग प्रेसरी राखिएको छ । केहि बिरामीलाई शल्यक्रिया गर्नुपर्ने देखिएकोमा प्रसूति गृह अस्पतालमा पठाईएको छ । उक्त बिरामीहरुको निःशुल्क शल्यक्रिया गरिए गरिने डाक्टर प्रनिस पोखरेलले बताए ।
प्रतिक्रिया