विदुर – नेपाल शान्ति एवम् विकास केन्द्रले बालबालिकालाई शङ्ख वाद्य तालिम दिने भएको छ ।
आफ्नो १६औँ साधारणसभाका अवसरमा आगामी साउन ७ देखि १२ गतेसम्म बालबालिकालाई तालिम दिने संस्थाका सचिव श्रीराम अधिकारीले जानकारी दिए ।
उत्कृष्ट १० प्रशिक्षार्थीलाई शङ्ख उपहार दिइने रेडियोका उपाध्यक्ष सोहम सुवेदीले जानकारी दिए ।
जिल्लाका त्रिशूली र देवीघाटमा बिहान र साँझ दिइने तालिममा शङ्खविद् मनोज सुवेदीले प्रशिक्षण दिनेछन् ।
तालिममा सहभागी हुन विद्यार्थी परिचयपत्र वा जन्मदर्ताकाे प्रतिलिपिकाे साथै दर्ता शुल्क १५० रूपैँया लाग्नेछ ।
संस्थाले गत वर्ष मङ्सिर ६ गते हरिबोधिनी एकादशीका अवसरमा बागमती प्रदेशस्तरीय शङ्ख बजाउने प्रतियोगिता आयोजना गरेको थियो ।
प्रतिक्रिया