सिटिजन्स बैंकको दुई नयाँ शाखा सञ्चालनमा

काठमाडौँ – सिटिजन्स बैंक इन्टरनेसनलले धादिङको गजुरी र धार्केमा एकैसाथ दुई शाखा सञ्चालनमा ल्याएको छ । यससँगै बागमती प्रदेशमा सञ्चालनमा रहेका बैंकका शाखाहरु ५४ पुगेका छन् ।

गजुरी र धार्केमा बुधबार आयोजित एक कार्यक्रमका बीच बैंकका प्रमुख कार्यकारी अधिकृत गणेशराज पोखरेलले नयाँ शाखाहरुको शुभारम्भ गरेको हो । कार्यक्रमलाई सम्बोधन गर्दै प्रमुख कार्यकारी अधिकृत पोखरेलले ग्राहकहरूलाई उत्कृष्ट सेवा सुबिधा पुर्याउने क्रममा आफूहरु धादिङबासीहरुको सेवामा आइपुगेको र आगामी दिनमा सुशासनलाई ध्यानमा राख्दै अझ उच्चस्तरीय ग्राहक सेवामा समर्पित रहने बताए ।

सुविधा सम्पन्न यी शाखाहरुमार्फत् ग्राहकहरुको वित्तीय आवश्यकता पुरा गर्न आवश्यक सम्पूर्ण रिटेल बैकिंग सेवा प्रदान गर्नुका साथै साना तथा कर्पोरट व्यवसायीहरु माझ वित्तीय पहुँच पुर्याउने लक्ष्य बैंकले राखेको छ ।

यसैबीच धादिङ गजुरीमा आफ्नो नयाँ शाखाको शुभारम्भ भएको अवसरमा बैंकले आफ्नो संस्थागत सामाजिक उत्तरदायित्व कार्यक्रम अन्तर्गत आधामारास्थित पत्तालिनी आधारभूत विद्यालयलाई कम्प्युटर सेट र प्रिन्टर उपलब्ध गराएको छ ।