नुवाकोट – प्रेस सेन्टर नेपाल नुवाकोटले पत्रकार तथा साहित्यकार कृष्णसेन इच्छुक (२०१३–२०५९) को २२ औं स्मृतिमा विदुरमा विचार गोष्ठी गरेको छ । कार्यक्रममा सहभागी पत्रकारहरूले कृष्णसेन इच्छुकको चर्चा गरेका छन् ।
आईतबार विदुरमा आयोजित कार्यक्रममा प्रेस सेन्टर नेपालका केन्द्रीय सदस्य बद्री प्याकुरेलले पत्रकार हुन कुनै पनि मिडिया वा पेशागत सङ्गठनमा आबद्ध हुनु नपर्ने बताए । प्रविधिको विकाससँगै पत्रकारिताको रूप फेरिएको बताए ।
नेपाल पत्रकार महासङ्गका केन्द्रीय सदस्य ध्रुवकुमार रावलले स्थानीय सरकारको बेतिथी र भष्ट्रचारको विषयमा पत्रकारले कलम चलाउनुपर्ने बताए ।
सेन्टरका अध्यक्ष रामहरी गजुरेलले कृष्णसेन इच्छुकले देखाएको बाटोमा निरन्तर रुपमा हिडिँरहने र प्रतिक्रियावादी व्यवस्थाकाविरुद्ध निरन्तर आवाज उठाइरहने प्रतिबद्धता व्यक्त गरेका छन् ।
माओवादी जनयुद्धका बेला नेकपा माओवादीले सञ्चालन गरेको मुखपत्र जनादेश साप्ताहिक र जनदिशा दैनिकका सम्पादक इच्छुकको जन्म २०१३ कात्तिक ३ गते भारतको देहरादुनमा भएको थियो । कृष्णसेनको मृत्यु २०५९ जेठ १३ मा महेन्द्र पुलिस क्लबमा भएको थियो ।
प्रेस सेन्टर नेपालले सातै प्रदेशमा प्रदेश समिति, ७७ वटै जिल्लामा जिल्ला समितिले प्रभातफेरीसहित विभिन्न कार्यक्रम गर्दै कृष्णसेनको स्मृति दिवस मनाएका छन् ।
प्रतिक्रिया