काठमाडौं – मदन भण्डारी फाउन्डेसनले वि.सं. २०६८ देखि निरन्तर रूपमा प्रदान गर्दै आईरहेको मदन भण्डारी राष्ट्रिय पुरस्कारका लागि आवेदन मागेको छ ।
शुक्रबार फाउन्डेसनका अध्यक्ष महेन्द्रबहादुर पाण्डेले एक सूचना जारी गर्दै पुरस्कारका लागि आवेदन माग गरेका हुन् ।
फाउन्डेसनका सदस्य रामशरण प्याकुरेलका अनुसार नेपालको लोकतान्त्रिक आन्दोलनमा नयाँ वैचारिक र राजनीतिक दर्शनका क्षेत्रमा जननेता मदन भण्डारीले पुर्यानुभएको योगदानको स्मरण गर्दै उहाँको विचार र मार्गदर्शनलाई जीवन्त बनाइराख्न सामाजिक, आर्थिक, राजनीतिक तथा सामाजिक रूपान्तरण लगायतका क्षेत्रमा महत्वपूर्ण काम गरेका व्यक्ति तथा संस्थाहरू मध्येबाट पुरस्कृत गर्ने गरिएको बताए । फाउन्डेसनले २०७८ देखि अध्ययन, अनुसन्धान र नवप्रवर्तनका साथै समाज रूपान्तरण र विकासमा नेतृत्वदायी भूमिका खेल्नुहुने व्यक्ति वा संस्थालाई ‘मदन भण्डारी रूपान्तरण नेतृत्व राष्ट्रिय पुरस्कार’ समेत प्रदान गर्दै आएको जानकारी दिए ।
पुरस्कारमा आवेदन दिन नेपालमा दर्ता भएर कम्तीमा विगत ५ वर्षदेखि सञ्चालनमा रही, बार्षिक रूपमा कम्तिमा ५० करोड बराबरको बार्षिक कारोवार गरी नेपाल सरकारलाई तिर्नुपर्ने करका दायित्वहरू पूरा गरेको हुनुपर्ने उल्लेख छ । व्यक्ति वा संस्थाले आफ्नो सफलताको ट्र्याक रेकर्ड कायम गरेको हुनुपर्दछ । उद्यम वा सञ्चालक कालो सूचीमा नपरेको र कुनै पनि भ्रष्टाचार जन्य कारवाहीमा नपरेको स्वघोषणा गरेको शर्त रहेको छ ।
पुरस्कारका लागि उद्यमीले कामदार कर्मचारी भर्ना गर्दा राष्ट्रिय अर्थतन्त्रलाई बलियो बनाउने अभिप्राय र पछाडी परेका क्षेत्र र समुदायमा बेरोजगारी दर घटाउन मद्धत पुग्ने गरी विशेष समुदाय वा क्षेत्रका नेपाली नागरिकहरूलाइ प्राथमिकता दिएको हुनुपर्ने उल्लेख छ । स्थानीय कच्चा पदार्थको प्रयोग, नवप्रविधि, कृषि, पर्यटन, वातावरणीय परिवर्तन, सौर्य एवं वैकल्पिक उर्जाजस्ता क्षेत्रहरूमा आयात प्रतिस्थापन र निर्यात प्रबर्द्धनका माध्यमबाट वैदेशिक मुद्रा आर्जन गरी राष्ट्रिय अर्थतन्त्रमा योगदान पुर्याएको हुनु पर्नेछ ।
फाउन्डेसन बितरण गर्ने पुरस्कार यसअघि प्राप्त गर्नेहरूको सूची यस्तो रहेको छ
प्रतिक्रिया