नुवाकोटले पनि पोलियोविरुद्धको आइपीभी खोप अभियान सुरु गर्ने

डबली खबर     जेष्ठ ९ २०८१ २२:०८

social securities awareness bidur municipality
bagamati province sanchar registrar office

विदुर – यही जेठ १३ गतेदेखि पोलियो रोगविरुद्धको खोप आइपीभी सुरु हुदैँछ । देशभरिका बालबालिकाका लागि पोलियो रोगविरुद्धको खोप “आइपिभि” अभियान सञ्चालन हुने भएको हो । सरकारले यसअघि खोप लगाउन छुटेका देशभरिका १४ लाख ६२ हजार सात सय १२ जना बालबालिकालाई उक्त खोप लगाउने उद्देश्यसहित अभियान सञ्चालन गर्न लागेको हो ।

आज विदुरमा जनस्वास्थ्य कार्यालयले आयोजना गरेको कार्यक्रममा खोप अभियानका क्रममा नुवाकोटका १२ हजार २८० बालबालिकालाइ पोलियोविरुद्धको आइपीभी खोप लगाइने स्वास्थ्य प्रमुख महेन्द्रध्वज अधिकारीले जानकारी दिए । उनले  यसअघि विश्वबजारमा ‘‘आइपिभि’ खोपको अभाव रहेकाले बालबालिकालाई खोप लगाउन नपाइएकाले तर हाल खोप आएकोले अभियान सञ्चालन गर्न थालिएको जानकारी दिए ।

खोप अभियानमा एक हजार चार सय २१ विद्यालयका अतिरिक्त तीन सय १९ खोप केन्द्र स्थापना गरी खोप प्रदान गरिने बताए । उनले  अभियानका लागि तीन सय १९ स्वास्थ्यकर्मी र छ सय ३८ स्वयम्सेविका  परिचालन गरिने उनले बताए ।

२०७३ वैशाखदेखि २०७५ असोजसम्म जन्मिएका बालबालिकाहरूलाइ मात्र खोप लगाइनेछ ।

सरकारले सन् २०२६ सम्म पोलियो उन्मूलन गर्ने लक्ष्य राखेको छ ।

प्रतिक्रिया


nuwakot trishuli graphic web media service 2020

Top