देवीघाट – नेपाली काँग्रेसका केन्द्रीय सदस्य हरिशरण नेपालीले शहिद जगतप्रकाशजंग शाहको प्रतिमामा माल्यापर्ण गरेका छन् ।
आज शहिद दिवसको अवसरमा नेपाली काँग्रेस नुवाकोटद्वारा आयोजित एक कार्यक्रममा नेता नेपालीले माल्यापर्ण गरेका हुन् ।
विदुर नगरपालिका-५ मा रहेको शहिद जगतप्रकाशजंग शाह संस्कृत माध्यामिक विद्यालयको प्राङ्गणमै रहेको प्रतिमा नुवाकोटका सभापति एवम् सांसद रमेशकुमार महत, सचिव श्रीराम श्रेष्ठलगायतले माल्यापर्ण गरेका थिए ।
शहिदको सम्मान स्वरुप माल्यापर्ण गर्नुको साथै मौनधारण गरिएको सभापति महतले जानकारी दिए ।
कार्यक्रममा संस्कृक विद्यालयका विद्यार्थीहरुले स्वस्तिवाचन गरेका थिए ।
यसअघि विद्यालयले एक कार्यक्रम गरी विद्यालयका शिक्षक, विद्यार्थीहरुले शहिद शाहको प्रतिमामा माल्यापर्ण गरेको विद्यालयका प्रध्यानाध्यापक मञ्जु चित्रकारले जानकारी दिईन् ।
वि.सं. २०१८ पुसको अन्तिममा सेनाद्वारा शहिद शाह मारिएको कथन छ ।
यसैगरी तारकेश्वर गाउँपालिका-२ बगुवामा रहेको शहिद बासु रिमालको प्रतिमामा बागमती प्रदेशसभा सदस्य राधिका तामाङ, संविधानसभा सदस्य राममाया बोगटी, जिसस नुवाकोट प्रमुख रजिन्द्रबिक्रमसिंह ठकुरी लगायतले माल्यापर्ण गरेका थिए ।
प्रतिक्रिया