विदुर – नुवाकोट जिल्लामा नेपाली काँग्रेसका १५ हजार २९ जना सक्रिय सदस्य रहेको प्रतिवेदनले जनाएको छ । काँग्रेसको प्रथम जिल्ला सम्मेलनको अवसरमा प्रकाशित प्रतिवेदनले उक्त सङ्ख्यामा सक्रिय सदस्य रहेको देखाएको हो ।
प्रतिवेदनअनुसार विदुर नगरपालिकामा दुई हजार ७६९, बेलकोटगढीमा दुई हजार १५४, तारकेश्वरमा एक हजार ८, म्यागङमा एक हजार ६८ र किस्पाङमा ८३० जना सक्रिय सदस्य रहेका छन् ।
यसैगरी, दुप्चेश्वर गाउँपालिकामा ९०५, तादीमा एक हजार २०५, शिवपुरीमा एक हजार ११३, पञ्चकन्यामा एक हजार ५५१, सूर्यगढीमा ८२८, लिखुमा ७५५ र ककनीमा दुई हजार १० जना सक्रिय सदस्य रहेका छन् ।
जिल्ला कार्य समितिमा पदाधिकारी र सदस्यसहित ६२ जना र क्षेत्रीय प्रतिनिधि एक हजार ७६० जना रहेको छ ।
प्रतिक्रिया