नुवाकोट – सक्षम बहुद्देशीय सहकारी संस्था लिमिटेडको अध्यक्षमा तुलसी दुवाडी निर्वाचित भएका छन् ।
शनिबार भएको सहकारीको १६औं वार्षिक साधारणसभा तथा अधिवेशनबाट अध्यक्षमा दुवाडी निर्विरोध निर्वाचित भएका हुन् । दुवाडीको अध्यक्षतामा नौ सदस्यीय कार्यसमिति गठन भएको छ ।
सहकारीको उपाध्यक्षमा जानुकादेवी घिमिरे, सचिवमा छविलाल ओझा, सहसचिव मदनबहादुर गुरुवाचार्य र कोषाध्यक्ष राजुमान प्रधान चयन भएका छन् ।
यस्तै, सदस्यहरुमा नुरकुमारी घिमिरे, इन्द्रमान जोशी, रामदाश रञ्जीत र ईश्वर श्रेष्ठ चयन भएका छन् ।
सहकारीको लेखा तथा सुपरिवेक्षण समितिको संयोजकमा दिलबहादुर माझी चयन भएका छन् । सदस्यहरु विष्णुदेवी श्रेष्ठ र सचिता गुरुङ रहेका छन् ।
प्रतिक्रिया