नुवाकोट – तारकेश्वर गाउँपालिका वडा नम्बर ४ का वडासदस्य रामकाजी थापाले विद्यार्थीलाई न्यानो लुगा वितरण गरेका छन् ।
बुधबार वडाका तीन विद्यालयमा अध्ययनरत २८० जना विद्यार्थीलाई वडासदस्य थापाले न्यानो लुगा वितरण गरेका हुन् ।
वडा क्षेत्रका सरस्वती आधारभूत विद्यालय, चण्डि माध्यमिक विद्यालय र अन्नपूर्ण आधारभुत विद्यालयका विद्यार्थीहरुलाई उक्त लुगा उपलब्ध गराइएको वडासदस्य थापाले जानकारी दिए ।
वडासदस्य थापा जनप्रतिनिधि हुनुभन्दा अघिदेखि नै सामाजिक क्षेत्रमा क्रियाशिल रहदै आएका थिए ।
वितरण गरिएको सामाग्री लक्ष्मी फाउन्डेसनले सहयोग गरेको वडासदस्य थापाले जानकारी दिए ।
प्रतिक्रिया