नुवाकोट – बेलकोटगढि नगरपालिकाले तीन स्वास्थ्यचौकीलाई एम्बुलेन्स हस्तान्तरण गरेको छ ।
नगरपालिकाका प्रमुख जगतबहादुर गुरुङले मंगलबार वडा नम्बर ३ को कुमरी स्वास्थ्य चौकी, वडा नम्बर ६ दुई पिपल स्वास्थ्य चौकी र वडा नम्बर ११ को बेलकोट स्वास्थ्य चौकीलाई १/१ वटा एम्बुलेन्स हस्तान्तरण गरेको हुन् ।
एम्बुलेन्स हस्तान्तरण गर्दै मेयर गुरुङले सञ्चालनमा ल्याउन लागिएको एम्बुलेन्सले स्वास्थ्य चौकीको सिफारिसमा पूर्ण अपाङ्गता कार्ड भएका बिरामी र सुत्केरी महिलालाई निःशुल्क सेवा उपलब्ध गराउने बताए ।
नगरपालिकाले प्रति एम्बुलेन्स १८ लाख ७५ हजार ७१८ अठार रुपैयाँमा एम्बुलेन्स खरिद गरेको हो । भन्सार महसुल, प्रज्ञापन पत्रशुल्कगरी कुल ५९ लाख ९८ हजार ५०० रुपैंयामा तीन वटा एम्बुलेन्स खरिद गरी सञ्चालनमा ल्याइएको हो ।
प्रतिक्रिया