विदुर – मंसिर १४ गतेदेखि सञ्चालन गर्ने बैतडीको झुलाघाटबाट मध्य पहाडी लोकमार्ग हुदैं ताप्लेजुङको चिवा भन्ज्याङसम्म ‘समृद्धिका लागि संकल्प यात्रा’ को लागि नेकपा एमाले नुवाकोट तयारीमा जुटेको छ ।
बैतडीको झुलाघाटबाट सुरु हुने अभियानअन्तर्गत डोटीको आमसभालाई सम्बोधन गर्न एमाले अध्यक्ष केपी शर्मा ओली मङ्सिर २३ गते नुवाकोट आउने कार्यक्रम रहेको पार्टी अध्यक्ष बद्री मैनालीले जानकारी दिए ।
१९ दिन लामो संकल्प यात्राको अभियानलाई सफलतापूर्वक सम्पन्न गर्न जिल्लाका १२ वटै पालिकाका कमिटीलाई मंसिर १६ गतेभित्र बैठक बसी आवश्यक योजना बनाउन समेत बैठकले निर्देशन दिएको पार्टी अध्यक्ष मैनालीले जानकारी दिए ।
पार्टी अध्यक्ष ओलीको स्वागतको लागि चिसापानी पाटी भन्ज्याङदेखि सामरी भन्ज्याङसम्म भूगोल अनुसार पार्टीका सबै कमिटी सदस्य, कार्यकर्ता र स्वयंसेवकहरुलाई खटाईएको छ ।
प्रतिक्रिया