विदुर – नुवाकोटका प्रमुख जिल्ला अधिकारीले रातको समयमा परम्परागत खेल्दै आएको देउसी–भैलो खेल्न निषेध गरेको छ ।
तिहारमा नुवाकोटमा राति ९ बजेपछि देउसी–भैलो खेल्न नदिने निर्देशन प्रमुख जिल्ला अधिकारी सुरेन्द्र पौडेलले बताए ।
त्यस्तै, जिल्लाका प्रज्वलनशील वस्तु पड्काउन पनि निषेध गरिएको छ । भुइचम्पा, पटका, आतिसबाजी जस्ता विष्पोटक पदार्थ गर्न र पटाका नपड्काउन सबैमा जानकारी गराउने र सूचना अवज्ञा गरेमा कडा कारबाही गरिने निर्णय गरिएको प्रजिअ पौडेलले जानकारी दिए । त्यस्ता पदार्थले धनजनको क्षति हुने भएकोले पूर्ण बिक्रि वितरण र प्रयोगमा रोक लगाएको बताए ।
यस्तै स्थानीय प्रशासनले दियो र मैनबत्ती बाल्दा सचेतना अपनाउन आग्रह गरेको छ । विद्युतीय माध्यमबाट पनि आगजनी हुन सक्ने हुनाले सचेत रहन स्थानीय प्रशासनले आग्रह गरेको छ ।
प्रतिक्रिया