नुवाकोट – पिपलटार फुटबल क्लबको आयोजनामा “दोस्रो अन्तर माविस्तरीय फुटसल प्रतियोगिता” हुने भएको छ ।
“फुटबल विकासमा हाम्रो प्रयास” मूल नारा रहेको उक्त प्रतियोगिता आगामी भाद्र ८ र ९ गते हुने क्लबका अध्यक्ष उद्दव पनेरुले बताए ।
फुटसल प्रतियोगिता छात्र र छात्रा गरी दुई विधामा हुनेछ । छात्र समुह दर्ताका लागि तीनहजार र छात्राको लागि दुईहजार रुपैंयाँ लाग्नेछ । भाद्र ६ गते भित्रमा समुह दर्ता गर्ने अन्तिम दिन रहेको छ । समूहमा सात खेलाडी हुनु पर्नेछ ।
पिपलटार फुटसल खेलमैदानमा हुने प्रतियोगिताका विजेता र उपविजेताले नगद पुरस्कारसहित ट्रफी, मेडल र प्रमाणपत्र प्राप्त गर्ने अध्यक्ष पनेरुले जानकारी दिए ।
प्रतियोगितामा सहभागिताको ९८२३११४०२३ मा सम्पर्क गर्न सकिने जनाएको छ ।
प्रतिक्रिया