नुवाकोट – दोस्रो जिल्ला समन्वय खुला ब्याडमिन्टन प्रतियोगिताको उपाधी नारायण दिवाली र रोशन अधिकारीको जोडी र बिबेक जोशी र प्रोग्रेस श्रेष्ठको जोडीले हात पारे ।
जिल्ला समन्वय समिति नुवाकोटको आयोजनामा विदुर नगरपालिकाको बट्टारस्थित कभर्डहलमा शनिबार भएको प्रतियोगिताको फाईनलमा समुह “ए” बाट बिबेक जोशी र प्रोग्रेस श्रेष्ठको जोडीले सुरज लामा र कुमार डङगोललाई २१-१८ २३-२१ र ११-८ सेटले प्रोग्रेससेन्टको आधारमा प्रथम भए ।
त्यसैगरी, समुह “बी” बाट नारायण दिवालि र रोशन अधिकारीको जोडीले सुमित जोशी र बिकास सिवाकोटीलाई २१-१८ र २१-१० सोझो सेटले पराजित गरि प्रथम भए ।
विजेतालाई बागमती प्रदेशका अर्थमन्त्री बहादुरसिंह लामाले नगद पुरस्कारसहित ट्रफी, मेडल र प्रमाणपत्र प्रदान गरे ।
प्रतियोगितामा नुवाकोट ब्याडमिन्टन संघ नुवाकोटको व्यवस्थापकीय तथा प्राविधिक सहयोगमा भएको जिल्ला समन्वय समितिका प्रमुख रजिन्द्रबिक्रम सिंह ठकुरीले जानकारी दिए ।
असार १४ गतेदेखि १६ गतेसम्म भएको प्रतियोगितामा ५५ टिमको सहभागिता रहेको थियो ।
लेखकको बारेमा
प्रतिक्रिया