नुवाकोट – विपद व्यवस्थापनका लागि प्राप्त हुने सामग्री राख्न स्थान अभाव भएका कारण बागमती सरकारले नुवाकोटमा गोदाम सामाग्री घर सञ्चालनमा आएको छ।
शुक्रबार विदुर नगरपालिका-३ स्थित बुधसिंहघाटमा प्रदेश सरकारद्वारा आन्तरिक मामिला तथा कानुन मन्त्रालय बागमती प्रदेशका मन्त्री कृष्णप्रसाद शर्मा खनालले एक कार्यक्रमको बीचमा प्रदेश गोदाम घर नुवाकोट र सुरक्षाकर्मी ब्यारेक घरको उद्घाटन गरेका हुन् ।
सरकारले प्राकृतिक बिपत्ति परेको खण्डमा तत्काल उद्धार र राहातको आवश्यक तयारीका लागि विपद व्यवस्थापन प्रादेशिक गोदाम घर निर्माण गरेको हो ।
प्रदेश सरकार अन्तर्गत आन्तरिक मामिला तथा कानुन मन्त्रालयको मताहतमा विपदका समयमा उद्धारका लागि आवश्यक पर्ने सामाग्रीसहित गोदाम घर सञ्चालनमा ल्याईने जनाएको छ ।
प्रतिक्रिया