विदुर – प्रधानमन्त्री शेरबहादुर देउवाले एकै दिन नुवाकोटको दुई गाउँपालिकाको प्रशासकीय कार्यालय भवनको उद्घाटन गरेका छन् ।सोमबार देउवाले तादी र किस्पाङ गाउँपालिकाको छुट्टाछुट्टै औपचारिक कार्यक्रमका बीच प्रशासकीय कार्यालय भवनको उद्घाटन गरेका हुन् ।
प्रधानमन्त्री देउवाले तादी गाउँपालिकाको केन्द्र खरानीटारमा निर्माण भएको गाउँपालिकाको प्रशासकीय भवनको उद्घाटन गरेका हुन् ।
कार्यपालिकाको तीनतले नवनिर्मित भवन कुल चारकरोड २९ लाख ७४ हजार रुपैंयाँमा तोकिएको समय अगावै निर्माण व्यवसायीले उक्त भवन सम्पन्न गरेको तादी गाउँपालिकाका अध्यक्ष नारायणप्रसाद पाण्डेले बताए । भवन निर्माणका लागि जिल्ला समन्वय समितिबाट एक करोड ६० लाख रुपैयाँ, सङ्घीय सरकारबाट ८५ लाख र बाँकी एककरोड ८४ लाख ४० हजार ६२ रुपैयाँ गाउँपालिकाको लगानी रहेको गाउँपालिका अध्यक्ष पाण्डेले जानकारी दिए ।
यस्तै, प्रधानमन्त्री देउवाले किस्पाङ गाउँपालिकाको प्रशासकीय भवनको उद्घाटन गरेका छन् । चारकरोड ५६ लाख रुपैंयाँमा कार्यपालिकाको नवनिर्मित भवन निर्माण गरिएको किस्पाङ गाउँपालिकाका अध्यक्ष छत्रबहादुर लामाले बताए ।
प्रतिक्रिया