२०७९, ३ भाद्र शुक्रबार

ट्राफिक प्रहरीले सवारीसाधनका सजावट सामाग्रीहरु झिक्न थाले

डबली खबर     माघ २८ २०७८ १७:४७

nuwakot traffic police to pick up vehicle decoration materials
Diyo Pathshala Montessori

विदुर – जिल्ला ट्राफिक कार्यालय नुवाकोटले सवारीसाधनमा राखिएको सजावटका सामाग्रीहरु झिक्न थालेका छन् ।

ट्राफिक प्रहरी निर्देशनालय बागमती प्रदेश निर्देशन अनुसार सवारीसाधनको सजावटमा राखिएको सामाग्रीहरुले दुर्घटना निम्त्याउने र अपराधिकजन्य क्रियाकलाप हुने भएकोले दुर्घटना न्यूनीकरणको लागि त्यस्ता सामाग्री झिक्न थालिएको जिल्ला ट्राफिक कार्यालयका प्रहरी नायव निरीक्षक सन्तोष पोखरेलले बताए ।

सवारीसाधनमा राखिएको झल्लर, प्रेसर हर्न, दुवै साइडको लुकीङ ग्ल्यासमा राखिएको झन्डा, रुमाल, खादा, अगाडी सिसामा राखिएको झल्लर पर्दा लगायतका दुर्घटना निम्त्याउने सामाग्रीहरु झिकेका छन् ।

“पहिलो दिन सबै सवारीसाधनका चालकहरुलाई सम्झाएर छोडेका थियौं”, उनले भने “दोस्रो दिन पुन:सवारीसाधनमा राख्न थालेपछि सजावटको सामाग्रीको साथै प्रेसर हर्न समेत जफत गर्न थालेका हौं ।”

प्रेसर हर्न झिक्दै ट्राफिक प्रहरी

तीनदिनको अवधिमा जिल्लाभरका ट्राफिक चेकपोस्टबाट करिब एक सयभन्दा बढी सवारीसाधनहरुबाट सजावटका सामाग्री झिकिएको उनले बताए । “त्यस्ता सवारीसाधनहरुको नम्बरहरु टिपोट गरी पुन: नराख्न भनि छाडेका छौं”, उनले भने “अटेर गरी त्यस्ता सामाग्री नझिकेमा ५०० देखि १५०० सम्मको जरिवाना लगाईने र सामाग्री समेत जफत गर्ने छौँ ।”

चालकहरुले पनि त्यस्ता सामाग्रीहरु स्वयं झिकी ट्राफिक प्रहरीलाई सहयोग गर्न ट्राफिक कार्यालयले अनुरोध गरेको छ ।

nuwakot trishuli graphic web media service 2020

प्रतिक्रिया


Top