काठमाडौं – नेकपा (एकीकृत समाजवादी) निकट विद्यार्थी संगठन अनेरास्ववियूले मोबाइल एप सार्वजनिक गरेको छ । सोमबार थापाथली इन्जिनियरिङ क्याम्पसमा आयोजित एक कार्यक्रमका बीच पार्टी अध्यक्ष माधवकुमार नेपालले एपको उद्घाटन गरेका हुन् ।
अनेरास्ववियूसँग सम्बन्धित सबै काम र गतिविधिहरू यही एपमार्फत गराइने गरेको अनेरास्ववियूका उप-महासचिव अशोक थापाले जानकारी दिए ।
उनकाअनुसार मोबाइल एपमा संगठनको विधान, गीत, झन्डा, प्रचारप्रसारजनक सामग्री, गतिविधिहरू एपमा पाइने छ । सँगै सदस्यताबारे काम पनि एपबाटै हुनेछ ।
कार्यक्रममा अनेरास्ववियूका कार्यवाहक अध्यक्ष वसिम आलम, एकीकृत समाजवादीका विद्यार्थी फाँट प्रमुख रामकुमार भट्टराईसहितका नेताहरू उपस्थिति थिए ।
प्रतिक्रिया