काठमाडौं । नेपाल रेडक्रसले मनसुन तयारी योजनानुसार इमरजेन्सी अपरेसन सेन्टरलाई सक्रिय बनाएको छ । विपद्को अवस्थाअनुसार तथ्याँक संकलन, राहत, उद्दार, सहयोग, समन्वय, प्रतिवेदन, बन्दोबस्ती लगायतको क्षेत्रमा केन्द्रीय र स्थानीयस्तरमा दक्ष स्वयंसेवक र कर्मचारीलाई परिचालन गरिएको छ ।
अस्तिदेखि परेको पानीले काठमाण्डौँको धर्मस्थलीमा डुबानमा परी अनाज र घर क्षति भएका अति प्रभावित १४ घर परिवारलाई सम्बन्धित वडाको सिफारिस एवं उक्त नगरपालिकाका उपमेयर भवनी डोटेल धिताल, वडा अध्यक्ष मधु कार्कीको उपस्थितमा नेपाल रेड्क्रस सोसाइटी काठमाडौ जिल्ला शाखाले तत्कालीन राहत उपलब्ध गराएको जिल्ला शाखाका मन्त्री श्यामकाजी डोटेलले जानकारी दिनुभएको छ ।
यस्तै तीनथानाको पहिरो रोकथामको लागि २०० र कुलेश्वरको वाढी रोकथामको २०० वटा बोरा नेपाल रेडक्रसले शसस्त्र प्रहरीलाई उपलव्ध गराएको छ । ती वोराहरुमा बालुवा भरी अस्थायी छेकवार गर्ने काम भइरहेको छ ।
डोटी र दार्चुलामा भारी वर्षा भइरहेको र क्षतिहुन सक्ने भएकोले खोला नदी छेउछाऊ र पहिरो जानसक्ने क्षेत्रमा समुदायलाई सतर्क रहन आव्हान गरिएको छ ।
नेपाल रेडक्रसले आपत्कालीन सहयोगको लागि देशका विभिन्न स्थानमा राहत सामग्रीहरु पुर्याईसकेको र द्रुत सर्वेक्षण संगसंगै सामग्री वितरण गरिने सोसाइटीका सञ्चार निर्देशक दिव्यराज पौडेलले जानकारी दिए ।
प्रतिक्रिया