२०७७, २५ फाल्गुन मंगलवार

भूकम्प प्रतिरोधी घर बनाउन १९ सय जनशक्ति तयार

डबली खबर     माघ १० २०७४ १२:३७


Trishuli Web Design Services in Nuwakot
earthquake-pidit

रसुवा । रसुवामा भूकम्प प्रतिरोधी आवास निर्माणका लागि १९ सयभन्दा बढी जनशक्ति तयार भएको छ ।

३२ महिनाअघि गएको भूकम्पले जिल्लाको करिब ९८ प्रतिशत घर पूर्ण क्षति भएपछि अहिले निर्माण हुने घर भूकम्प प्रतिरोधी बनाउनका लागि दक्ष जनशक्ति तयार पारिएको हो ।

पुनर्निर्माणसँगसँगै विभिन्न सरकारी तथा गैरसरकारी संस्था मार्फत सञ्चालन गरिएको कार्यक्रमबाट जिल्लाका १ हजार ९ सय ४२ जनाले तालिम लिएका छन् ।

राष्ट्रिय पुननिर्माण प्राधिकरण जिल्ला समन्वय समितिको कार्यालय रसुवाले दिएको जानकारी अनुसार जिल्लामा सञ्चालन गरिएको कालिगढ अर्थात डकर्मी तालिममा १९ सय ४२ जना सहभागि भएका छन् ।

भूकम्पले भत्किएको घर एकैसाथ निर्माण गर्दा दक्ष जनशक्तिको अभाव हुँदै जाँदा कार्यालयले जिल्लाको विभिन्न स्थानमा तालिम सञ्चालन गर्ने कार्यलाई निरन्तरता दिइरहेको कार्यालय प्रमुख कृष्णकान्त उपाध्यायले जानकारी दिए ।

कार्यालयले दिएको जानकारी अनुसार जिल्लामा ४ सय ३१ जनाले ५० दिने डकर्मी तालिम र १५ सय ११ जनाले ७ दिने डकर्मी तालिम लिएका हुन् ।

५० दिने डकर्मी तालिम लिनेमा गोसाइँकुण्ड गाउँपालिकामा १०, कालिका गाउँपालिकामा १ सय २४, नौकुण्ड गाउँपालिकामा ४०, आमा छोदिङ्मो गाउँपालिकामा १ सय १० र उत्तरगया गाउँपालिकामा १ सय ४७ जना रहेका छन् ।

त्यसैगरी ७ दिने तालिम लिनेमा गोसाइँकुण्डमा १ सय ३६, कालिकामा २ सय ५८, नौकुण्डमा २ सय ७२, आमा छोदिङ्मोमा २ सय २५ र उत्तरगयामा ६ सय २० जना सहभागि रहेका थिए ।

यो खबर पढेर तपाईलाई कस्तो महसुस भयो ?



Bachchhaladevi Suppliers
Diyo Pathshala Montessori
Nuwakot FM 106.8 MHz

प्रतिक्रिया




Top