रसुवा, साउन २ – रसुवाको मैलुङ खोला जलविद्युत आयोजनाले स्थानीयको लागि जारी गरेको शेयर समेत समान रुपमा वितरण नगरेको भन्दै स्थानीयले आक्रोश व्यक्त गरेका छन् ।
आयोजनाको प्रभावित क्षेत्र र जिल्लावासीका लागि ३ लाख ६८ हजार १ सय ४४ कित्ता सेयर बितरण गरिने वताइए पनि वाँडफाँड गर्ने समयमा चिठ्ठा प्रणालीमा वितरण गरेपछि रसुवावासी आक्रोसित भएका हुन् ।
आयोजनाले कुल शेयरको १० प्रतिशत जिल्लावासीले छुट्याउनुपर्ने भएकाले सो सङ्ख्यामा शेयरको लागि आवेदन माग गरेको थियो । गत जेठ १७ गतेबाट जेठ ३१ गतेसम्म आवेदन माग गरिएकोमा रसुवाका ९५ प्रतिशतले शेयर भरेका थिए ।
कम्पनीले चिठ्ठा प्रणाली भन्दै २२ हजार ९ सय ३२ जनालाई मात्र शेयर वितरण गरिएको छ ।
एक हजार कित्ता भर्नेलाई तीन सय ३३ कित्ता, दुई सय कित्ता भर्नेलाई ६७ , सय कित्ता भार्नेलाई ३२ कित्ता र न्यूनतम १० कित्ता शेयर पाउनेले पाएका छन ।
रसुवा जिललाबासिले ५० कित्ता देखि १ हजार ८ सय ४० कित्ता सम्मका लागि आबेदन दिन सकिने व्यवस्था गरिएको थियो ।
प्रतिक्रिया