जेष्ठ नागरिक तदर्थ समितिको पहिलो जिल्ला अधिबेशन सम्पन्न गरेको छ । अधिबेशनले गेर्खु गाविसका पुर्व गाविस उपाध्यक्ष शिवबहादुर पाण्डेको संयोजकत्यामा १३ सदस्यीय जेष्ठ नागरिक तदर्थ समिति सर्वसम्मत रूपमा गठन गरेको छ ।

उपाध्यक्षमा सावित्री खरेल, सचिवमा बिरबहादुर ठकुरी र कोषाध्यक्षमा लिलाबहादुर कार्की चयन भएका छन् । सदस्यहरूमा डमरू प्रसाद रिजाल, बलराम लामा, नवलसिंह बस्नेत, लक्ष्मण न्यौपाने, र श्रीमाया विश्वकर्मा चयन भएका छन् । कार्यक्रमका प्रमुख अतिथि समेत रहनुभएका सामुदायिक आत्मनिर्भर सेवा केन्द्रका नुवाकोटका जिल्ला संयोजक भोला बस्नेतले शुभकामना मन्तव्य राखेका थिए ।

यस्तै समितिको पहिलो बैठकले बार्षिक कार्य योजना बनाउने, जेष्ठ नागरिकलाई विपत्ति पर्दा उद्धारको लागी उद्धार आर्थिक कोष स्थापना गर्ने र सामुदायिक आत्मनिरभर सेवा केन्द्रको सहकार्यमा ६१ गाविसमा संगठन निर्माण गरी समुन्नत समाज निर्माणमा समितिले सहयोग पुर्याउने निर्णय गरेको समितिका संयोजक पाण्डेले बताए ।