आउँदो साउन १ गतेदेखि दुई महिनासम्म नुवाकोट जिल्लामा गाउँपालिका, नगरपालिका तथा विशेष, संरक्षित वा स्वायत्त क्षेत्रको संख्या तथा सीमाना निर्धारणको विषयमा बहस, सुझाव संकलन र तयारी हुने भएको छ ।
हिजो स्थानीय तह पुर्नसंरचना प्राविधिक सहयोग समितिको कार्यशर्त तथा कार्यविधिको विषयमा जानकारी दिनको लागि आयोजना गरिएको छलफल कार्यक्रममा दिइएको जानकारी अनुसार भदौ मसान्त भित्रमा नुवाकोटबाट केन्द्रमा प्रतिवेदन पेश हुनेछ ।
अबको पुर्न संरचनाहरू हुँदा गाउँपालिकामा पाँच देखि २१ वटा वडा र नगपालिकामा २५ देखि ३३ वडा हुनेछ । त्यसै गरी नुवाकोट जिल्लामा दुई वटा निर्वाचन क्षेत्र कायम गरिनेछ । स्थानीय विकास अधिकारीको संयोजकत्वमा गठन भएको स्थानीय तह पुर्नसंरचना प्राविधिक सहयोग समितिले साउन र भदौ महिनामा गाउँपालिकाको सिमाङ्कन, नामाकरण, वडा विभाजनको कार्यहरू गर्नेछ । नुवाकोटका स्थानीय विकास अधिकारी केशरबहादुर पण्डितका अनुसार न्यायपालिका बाहेक सम्पूर्ण संरचनाको विषयमा स्थानियस्तरबाट निर्णय गरेर पठाइनेछ ।
अबको पुर्न संरचनाका आधारमा तयार हुने गाउँपालिकाको संरचना अहिले जिल्ला विकास समितिको भन्दा राम्रो र ठूलो हुनेछ । स्थानीय विकास अधिकारी पण्डितको अनुमानका आधारमा शिक्षा, स्वास्थ्य, सुरक्षा, विकास निर्माण लगायतका सबै निकायहरू रहेको कम्तिमा ५० जना जनशक्तिको गाउँपालिका हुनेछ ।
साउनको पहिलो हप्ताबाट सुरू हुने स्थानीय तह पुर्न संरचनाको कार्यशर्त र कार्यविधिलाई अन्तिम रूपम लिनका लागि आवश्यक कार्य सुरू हुनेछ । जिल्ला विकास समितिका योजना अनुगमन तथा प्रशासकीय अधिकृत शैलेन्द्रकुमार भण्डारीका अनुसार गाउँपालिकामा न्युनतम तीन र नगरपालिकामा न्युनतम पाँच वटा बजार केन्द्र रहने व्यवस्था छ । त्यसै गरी भौगोलिक निन्रता नटुट्ने गरी पुर्नसंरचना गरिनु आवश्यक रहेको बताइएको छ ।
स्थानीय तह पुर्न संरचना प्राविधिक सहयोग समितिले यस विषयमा जिल्लाको इलाका स्तरसम्ममा छलफल चलाएर नागरिकहरूसंग आवश्यक सल्लाह र सुझाव स.कलन गर्नेछ । स्थानीय विकास अधिकारीको संयोजकत्वमा बनेको समितिको सदस्य सचिवमा जिविसका योजना अनुमगन तथा प्रशासकिय अधिकृत रहने व्यवस्था गरिएको छ भने सदस्यहरूमा जिल्ला प्रशासन, जिल्ला प्राविधिक, मालपोत, नापी, बन र तथ्याङ्क कार्यालयका अधिकृतहरू रहेका छन् ।
प्रतिक्रिया