विदुर, नुवाकोटमा यसै साता घटेका दुई घटनामा दुई जनाले ज्यान गुमाएका छन् । नर्जामण्डप गाविसमा खोलाले बगाएर एक बृद्ध र थानसिङ गाविसमा सर्पले डसेर एक जना युवकको मृत्यु भएको हो ।

नर्जामण्डप गाविस वडा नं. ३ घर भएका ८३ वर्षिय अमरबहादुर पराजुलीको दोर्खु खोलाले बगाएर मृत्यु छ । खेतबाट फर्कदै गर्दा खोला तर्ने क्रममा बगाएको थियो । पराजुलीको शव घटनास्थलदेखि ३ किलोमिटर तल तादी खोलामा फेला पारिएको प्रहरीले जनाएको छ ।

यस्तै, थानसिङ गाविस वडा नं. ६ अमिलबोटेका २१ बर्षिय वसन्त मिजारको मृत्यु भएको छ । घरमै सुतिरहेका मिजारलाई विशालु सर्पले डसेकोमा उपचारको लागि काठमाडौंको टकु अस्पतालमा लौजाँदै गर्दा बाटोमै मृत्यु भएको थियो । मिजारलाई टेकु अस्पतालका चिकित्सकले मृत घोषित गरेको मृतकका छिमेकी विनोद पाठकले बताए ।