गत साउन २९ गते जिल्ला प्रहरी कार्यालय नुवाकोटमा विशेष खोज कार्यक्रमबीच बा.प्र. ०२–०५१ प ३०७५ नम्बरको २२० सिसी पल्सर मोटरसाइकल सम्बन्धित धनी किस्पाङ गाउँपालिका–२ बस्ने पूर्णबहादुर तामाङलाई हस्तान्तरण गरिएको छ। हस्तान्तरण जिल्ला प्रहरी कार्यालयका प्रहरी नायब उपरीक्षक इकबाल हवारी र ट्राफिक प्रहरी प्रमुख प्रहरी निरीक्षक विनोद ढकालले गरेका हुन्।

उक्त मोटरसाइकल गत साउन १५ गते कागजात नभएको कसुरमा नियन्त्रणमा लिइएको थियो प्रहरी नायब उपरीक्षक हवारीले जानकारी दिए । अनुसन्धानका क्रममा वास्तविक नम्बर बा.प्र. ०२–०५० प ३७४२ लाई परिवर्तन गरी चलाएको भेटिएको हो। मोटरसाइकल गत वर्ष २०८२ फागुन १० गते राति ८:३० बजे काठमाडौंको बालाजुबाट हराएको उनले जानकारी दिए ।

यस्तै, साउन २२ गते खरानीटारबाट बा ४१ प ९३५३ नम्बरको टीभीएस आरटीआर र साउन २६ गते विदुर–५ माझिटारबाट बा.प्र. ०२–००१ प ५१४२ नम्बरको पल्सर मोटरसाइकल पनि प्रहरीले नियन्त्रणमा लिइएको छ। दुवै मोटरसाइकल काठमाडौंबाट हराएका थिए।