विदुर – जिल्ला प्रहरी कार्यालय नुवाकोटले चोरी घटनामा संलग्न भई फरार रहेका एक प्रतिवादीलाई पक्राउ गरेको छ ।
अदालतले मुद्दाको फैसलापछि फरारमा सूचीकृत किस्पाङ गाउँपालिका-५ का ध्रुव तामाङ प्रतिवादीलाई पक्रेर कैद तथा जरिवाना बेरुजु फछ्यौटका लागि जिल्ला अदालत नुवाकोटमार्फत् प्रहरीले कारागार चलान गरेको हो ।
तामाङले विदुर नगरपालिका वडा नं. ७ का सन्दिप बोगटीले आफ्नै घर अगाडी पार्किङ गरी राखेको बा ९३ प ७६४६ नम्बरको मोटरसाईकल चोरेको जिल्ला प्रहरी कार्यालय नुवाकोटका प्रहरी नायव उपरिक्षक तीलक भारतीले जानकारी दिए ।
गत २०७७ वैशाख ८ गते हराएको मोटरसाईकलमा संग्लन तामाङलाई हिजो मङ्गलबार जेठ २२ गते आफ्नै घरमा बसेको अवस्थामा प्रहरीले पक्राउगरेको प्रहरी नायव उपरिक्षक भारतीले बताए ।
२०७८ माघ २६ गते जिल्ला अदालत नुवाकोटले गरेको फैसला एक वर्ष ५ महिना २३ दिन कैद र पाँच हजार रुपैंया जरिवाना भुक्तान गर्न नसकेबापत् तामाङलाई १७ दिन थप कैद भुक्तानको लागि कारागार चलान गरिएको प्रहरीले जनाएको छ ।
प्रतिक्रिया