काठमाडौं – पूर्वअर्थमन्त्री सुरेन्द्र पाण्डेले अर्थ मन्त्रालय पछिल्लो समय धेरै अनुशासनहिन भएको बताएका छन् । इकोनोमिक मिडिया सोसाइटी नेपालले आयोजना गरेको ’पोस्ट बजेट–एक समग्र बहस’ कार्यक्रममा पूर्वमन्त्री पाण्डेले यस्तो बताएका हुन् ।
हाल मुलुकको अर्थतन्त्रमा मन्दी कायमै रहेको बताए । पूर्वअर्थमन्त्री पाण्डेले पुँजीगत खर्च हुँदैमा सबै कुरा ठिक हुन्छ भन्ने नहुने बताए ।
पूर्वअर्थमन्त्री पाण्डेले भने,‘देशको अर्थतन्त्रमा मन्दी छाएकै छ । पुँजीगत खर्च हुँदैमा सबै कुरा ठिक हुन्छ भन्ने पनि छैन । हामी सीमामा रहेच खर्च नगर्ने हो भने अझै खाल्डोमा जान सकिने निश्चित छ । पुँजीगत मात्रै नभएर चालु खर्च पनि उचित र सहि कुरामा खर्च नभएका कारण नेपालको अर्थतन्त्र अझ अप्ठ्यारोमा पर्दै गएको छ ।’
बजेटको रचनात्मक कार्यान्वयन नहुने निश्चित रहेको बताए । पूर्वअर्थमन्त्री पाण्डेले भने,‘रचनात्मक तरिकाले बजेटको कार्यान्वयन गरियो भने मात्रै केहि उपलब्ध होला । तर, उहि पुरानै रोग दोहोरिने निश्चित छ ।’
अर्थतन्त्रको कन्फीडेन्स बढाउन घरजग्गा र सेयर बजारलाई खुला छोड्नुपर्ने बताए । अनुपात्दक क्षेत्र भएपनि यी दुई क्षेत्रलाई खुला छोडियो भने छोटो समयमै अर्थतन्त्र वृद्धि योगदान पुग्ने बताए । पूर्वअर्थमन्त्री पाण्डेले भने,‘घरजग्गा, सेयरबजार अनुत्पादक हो । यति भन्दाभन्दै पनि अहिलेको अर्थतन्त्रमा कन्फीडेन्स ल्याउनका लागि यी क्षेत्रलाई खुला छोड्नुपर्छ । यसले छोटो समयमा अर्थतन्त्रमा पैसाको प्रवाह बढ्नेछ र अर्काे बर्ष अर्थतन्त्रको वृद्धिमा थप सहयोग पुग्नेछ । यसका लागि मौद्रिक नीतिले पनि हेर्नुपर्छ ।’
घरजग्गा, सेयरलगायतका क्षेत्र तत्कालका लागि वा केहि समयका लागि केहि खुल्ला छोडेपछि निजी क्षेत्रको मनोवल उच्च हुने पूर्वअर्थमन्त्री पाण्डेलेको भनाई छ ।
प्रतिक्रिया