विदुर – नुवाकोटमा सञ्चालित दुई दिने आँखा शिविरमा ८१ जना बिरामीको आँखाको शल्यक्रिया गरिएको छ ।
नेपाल रेडक्रस सोसाइटी नुवाकोट जिल्ला शाखा, नेपाल आँखा कार्यक्रम, तिलगंगा आँखा प्रतिष्ठान गौशाला काठमाडौं, तिलगङ्गा सर्जिकल आँखा केन्द्र नुवाकोटको संयुक्त आयोजनामा शिविर सञ्चालन गरिएको हो ।
विदुरमा भएको शिविरमा ७५ जनाको मोतियाविन्दु र ६ जनाको आँखामा मासु पलाएको बिरामीको आँखा शल्यक्रिया गरिएको रेडक्रस सभापति हरि श्रेष्ठले जानकारी दिए ।
दुप्चेश्वर गाउँपालिका र शिवपुरी गाउँपालिकाकामा गत वैशाख ६ गतेदेखि २१ गतेसम्म भएको नि:शुल्क आँखा परीक्षण शिविरमा ९०७ जना बिरामीको परीक्षण गरिएको थियो । शिविरबाट मोतियाबिन्दुका बिरामी पहिचान गरी आँखाको शल्यक्रिया गरिएको थियो ।
वैशाख २४ र २५ गते भएको आँखा शिविरमा विदुर युवा रेडक्रस सर्कलको सहयोग रहेको थियो ।
प्रतिक्रिया