नुवाकोट – प्रथम अन्तर पालिकास्तरीय विद्यालय छात्र भलिबल प्रतियोगिताको क्वार्टरफाइनल समीकरण पूरा भएको छ ।
लिखु गाउँपालिका वडा नं ४ क्षेत्रपाल माध्यमिक विद्यालयकाे खेल मैदानमा भएको क्वार्टरफाइनलमा विदुर, दुप्चेश्वर, पञ्चकन्या र तादी समुहले स्थान पक्का गरेका छन् ।
शनिबार भएको क्वार्टरफाइनलको पहिलो खेलमा दुप्चेश्वर र तारकेश्वर २-०, लिखु र विदुर ०-२, पञ्चकन्या र म्यागङ २-० र तादी र ककनीलाई २-० को सोझो सेटमा हरायो ।
भोलि मङ्सिर १० गते हुने सेमिफाइनलमा दुप्चेश्वरविरुद्ध विदुर र पञ्चकन्याविरुद्ध तादीबीचको खेल बिहान ८ बजे र ९ बजे हुने जिल्ला भलिबल सङ्घ नुवाकोटका अध्यक्ष सुवास पाण्डेले जानकारी दिए ।
सेमिफाइनलमा विजयी हुने पालिकाहरुले भोलि १० गतेनै फाइनलमा भिड्ने छ ।
प्रतियोगितामा प्रथम, द्वितीय र तृतीय हुनेले क्रमशः ५० हजार, ३० हजार र १५ हजार रुपैयाँ नगद पुरस्कारसहित ट्रफि, मेडल र प्रमाणपत्र प्राप्त गर्नेछ । यस्तै, सान्त्वना स्थान प्राप्त गर्नेले १० हजार रुपैयाँ नगद पुरस्कारसहित ट्रफि, मेडल र प्रमाणपत्र प्राप्त गर्नेछ ।
प्रतियोगिताभर उत्कृष्ट खेल प्रदर्शन गर्ने र खेल्ने खेलाडीलाई विभिन्न ६ विधाबाट पुरस्कृत गर्ने जनाएको छ ।
प्रतिक्रिया